Kaziranga National Park-ah elephant safari hawng leh ṭan

Assam sorkar chuan nimin aṭang khan Kaziranga National Park (KNP)-ah elephant safari a hawng leh ṭan ta.

Elephant safari hi KNP-ah Bagori leh Kohora range-ah hawn a ni.

Samak ki khat awmna hmun avanga khawvel huapa hriat lar, Kaziranga national park and tiger reserve (KNPTR) hi hun eng emaw chen khar a nih hnuah khualzin tlawh theih turin October 2 aṭang khan hawn ṭan a ni a, mahse elephant safari erawh hawn nghal a ni rih lo a ni.

Park-ah hian samak ki khat nei hi 2,400 chuang an awm a, hei hi khawvel puma samak ki khat nei awm zat aṭanga hmun thuma ṭhena hmun hnih an tling. Heng bakah sai, wild water buffalo leh swamp deer pawh an tam hle bawk.