Arunachal Pradesh : Thingtlang khaw 1,683-ah 4G network nei dawn

Arunachal Pradesh-a thingtlang khaw 1,683 chu nakkum December thlaah 4G telecom service-in a tuam chhuak vek hman dawn tih official-ten an sawi.

Thawhleni khan union ministry of communication-a additional secretary VL Kantha Rao, Universal Service Obligation Fund (USOF)-a deputy director-general leh joint secretary Sunil-te chuan telecom service provider, BSNL leh Airtel aiawhte, Army leh paramilitary force hotute meeting an neihpui a ni.

Verma chuan USOF aṭanga telecom service provider-te hnen aṭanga fund hmuhte chu ramchhung hmun kilkhawr zawka telecom service pekna atan man a ni ṭhin tih a sawi. Arunachal Pradesh sorkar leh armed force-te thawhpuina hnuaiah, nakkum December thlaaah chuan thingtlang khaw 1,683-ah hian 4G service pek chhuah hman vek tum a ni, a ti.

Kantha Rao chuan a hmain mobile network awm lohna border outpost-te tlawhin, sipaite pawh a lo kawm tawh bawk.