Bihar CM-in action la turin ngen

National Institute of Technology (NIT), Im­phal-a Bihar zirlaite beih an nih chungchangah Bi­har Chief Minister Nitish Kumar chuan Thawhlehni khan Manipur Chief Mi­nister N. Biren Singh chu bia­in, action la ngei turin a ti.

Nitish Kumar chuan NIT-Imphal campus-a Bihar zirlaite beih an nih a lak thutak hle thu sawiin, Bihar zirlaite venhimna ngaihtuah turin a chah bawk. Singh chu zirlai kutthlaktute lakah hian dan anga action la ngei tura a phut thu a sawi a, chhui zui ngei tura a duh thu a sawi bawk.

Bihar Police Chief PK Thakur pawhin hemi chung changah hian Manipur Po­lice Director General LM Khote a be tawh bawk a, action la ngei turin a ti a ni.

Thawhṭanni khan tualchhung mi ṭhenkhat chuan Imphal-a NIT campus-ah hian lutin Bihar zirlaite hi an bei a, zirlai ṭhenkhatin hliam an tuar a ni. Hliam tuarte hian state sorkarah ṭanpui an dil a ni.