AP: Kum 19 hnuah Yachuli DC Headquarters hawng

Arunachal Pradesh Chief Minister Pema Khandu chuan Thawhlehni khan Subansari-a Yachuli khuaah Divisional Commissioner (West) Head­quaters a hawng. He DC Hq. lungphum hi kum 19 kal ta daih tawha phum kha a ni a, mipuite'n nghakhlel taka an thlir hnu ah Thawhlehni khan CM hian a hawng ta a ni.

Hawnna inkhawma thu a sawi­naah Pema Khandu chuan, kum 19 zet a ral hnua ni lawmawm tak an tawng chu a lawmawm a tih thu a sawi a, ni chhinchhiah tlak tak a nih thu a sawi bawk a ni. Khandu hian Yachuli mipuite chu a lawmpui thu sawiin anni mai bakah dictrict 13-te leh Assembly constituency 33 hnuaia awm te chu a lawmpui thu a sawi bawk.

Khandu chuan Urban Deve­lopment & Housing and Land Management Minister Nabam Rebia kaihhruaina hnuaia awm committe in he DC Hq. din tura ruahmanna an siam leh dinna kawnga hma an lakna chu fakin lawmawm a tih thu a sawi a ni.

Chief Minister chuan aorkar thuneihna chu mipuite kutah a awm theih nan hma an lak zel tur thu sawiin, khawchhak leh khawthlang lama headquaters te ṭha taka kalpui a nih hnuah OHED leh PWD divisional office-te pawh sawn an nih tur thu a tarlang.

Khandu hian Yachuli mipuite chu office sak na atana ram an pek avangin lawmthu a hrilh a, hun lo kal zel turah Yachuli chu economic-hub pawimawh tak a la nih tur thu a sawi bawk a ni.