Nagaland-in Tokhü Emong Bird Count buatsaih

Nagaland chuan an state-a sava chi hrang hrang awmte chhiar leh chhinchhiahna, ni li awh tur Tokhü Emong Bird Count (TEBC) chu nimin aṭang khan a buatsaih.

TEBC hi Wokha Forest Division leh Divisional Management Unit, Nagaland Forest Management Project (NFMP), Wokha, leh Bird Count India-ten an buatsaih a ni a, ṭum khat an neihna a ni. Ni li chhung hian state chhunga sava chi hrang awmte chhinchhiah bakah, sava thlir ho, online session leh school leh college zirlaite nena sava chungchang sawihona hunte buatsaih a ni ang.

Sava ngainatute chu he hunah hian tel turin a huaihawttute chuan an sawm a, ramhnuaiah chhuakin sava chi hrang hrangte zawngin chhinchhiah an ni ang. Birdwatching event hi state pawn lam aṭang pawha zawm tura sawmin, an awmna hmuna sava chi hrang an hmuhte chu bird-recording platform, eBird (www.ebird.org/india)-ah upload turin an sawm a ni.