Assam Medical College tan Rs vbc 300 pe dawn

Assam chief minister Himanta Biswa Sarma chuan Assam Medical College (AMC) infrastructure tihchangtlunna turin a kaihhruai sorkar chuan chhawmdawlna, cheng vaibelchhe 300 a pe dawn tih a sawi.

Chief Minister Sarma hian Ningani khan Dibrugarh medical institute platinum jubilee lawmna hmanpuiin, AMC dinna kawnga sulsutu British philanthropist Dr John Berry White leh Assam chief minister hmasa ber Gopinath Bordoloi-te zahna a hlan tih a sawi a ni.

Kum 75 liamtaa din, AMC hian doctor tam tak, anmahni field-a mi thiam tak tak an chherchhuak hnem tawh thu a sawi. AMC hmasawnna tur hian state sorkar chuan a theih angin a pui zel dawn tih sawiin, teacher quarters leh students hostel sakna turin Rs vbc 300 a pek tur thu a sawi.

CM chuan AMC leh medical college dangten an zawm, Srimanta Sankardeva University of Health Sciences chancellor hnenah, kumtin MBBS graduate zinga ti ṭha ber hnenah, British philanthropist Dr John Berry White hming chawiin lawmnan, pawisa fai Rs nuai 5 pe ṭhin turin a ngen bawk.