Assam medical college thar din turah private firm-in Rs vbc 150 pe dawn

Assam sorkar leh Mumbai-based Bright Star Investments chuan Guwahati-a medical college thar din tura thawhdunna tur inremna an ziak

Chief minister Himanta Biswa Sarma chuan memorandum of understanding (MoU) an ziah hnuah, hei hi state sorkarin medical infrastructure dinna tura private firm an thawhpui hmasa ber a nih thu a sawi. "Guwahati-a medical college pahnihna dinna turin kan thawkdun dawn a ni. Bright Star Investments hian academic block, UG leh intern hostel sakna tur Rs vcb 150 a pe dawn a ni," a ti. Company inpekna chu lawmawm a tih thu sawiin, lawmthu a hrilh nghal bawk.

Assam-ah chuan medical college and hospital hi pakua a awm mek a ni. Kumin February thla khan Chief Minister chuan Guwahati-a Rs vbc 1,000 dawn senga medical college thar dinna tur lungphum hi a phum a ni. Hemi ṭum hian CM chuan an sorkar chhungin medical college 14 neih hman an tum tih a sawi.

Guwahati-a din tur, 'Pragjyotishpur Medical College and Hospital' hian campus pahnih a nei dawn a, pakhat chu Panbazar-ah siamin, Kalapahar campus a awm bawk ang. He medical college hi kum 2024-a hawn tum a ni a, MBBS course seat 100 a awm dawn a ni.