Assam-Meghalaya border : Regional committee-in meeting nei dawn

Assam leh Meghalaya ramri buaina chinfel tuma hma lakna kal zelah, Meghalaya-a Ri-Bhoi district-a regional committee chuan tun thla chhung hian stakeholder hrang hrangte chu meeting a neihpui leh dawn.

Kar liam ta Inrinnia deputy chief minister Prestone Tynsong hoa meeting neihah an rel a ni. Committee chuan deputy commissioner (DC) pawh document ṭul angte lo peihfel vek turin a chah.

Deputy Chief Minister chuan regional committee hian sector pahnih - Block II leh Deshdoomreah lam an thlurbing hrih dawn tih sawiin, district council leh deputy commissioner chu meeting neih tura stakeholder-te hriattir vek tura hrilh an nih thu a sawi.

Assam leh Meghalaya hian ramri chungchanga buaina an neih hmun 12 zinga hmun parukah inremna an siam tawh a, a bak hmun paruk dangah hian inremna siam tumin hma an la leh mek a ni. Buaina an la neihna hmun paruk zinga hmun pali - Borduar, Nongwah-Mawtamur, Deshdoomreah, leh Block-II-te chu Ri-Bhoi district huam chhunga awm a ni.