Manipur : ITI zirlai te'n tharum thawh

Manipur-a Takyelpat Industrial Training Institute (ITI) zirlaite chuan sorkar in an thilphut a tihhlawhtlin loh avangin an campus chhunga car hman loh pahnih an hal a, institution bungraw ṭhenkhat an tichhe bawk.

Manipur ITI Students Union general secretary L. Parker chuan Chief Minister N. Biren Singh leh Education Minister Th. Radheshyam hnenah bungraw changtlung zawk leh ṭha zawk eng emaw zat an mamawh thu memorandum an thehlut thu a sawi. Sorkar lam hian a ṭha lam zawnga chhanletna pakhat mah a neih loh avnagin an lungawi lohna lantirin hetiang hian an chet tak thu a sawi.

Police pawhin zirlaite hi dan an tum a, mahse an dan zawh loh thu report chuan a tarlang a ni.

ITI Students Union GS chuan an institution-a bungrua leh hmanrua an la neih te chu a hlui tawh thu leh hmantlak a nih tawh loh thu a sawi bawk a ni.