Assam : Dengue leng vangin Karbi Anglong-ah school leh college khar

Assam-a Karbi Anglong district-ah ni nga chhungin dengue vei 270 chuang an awm a, hei vang hian hri laka invenna turin hma lak a ni a, school leh college te khar an ni.

Karbi Anglong Autonomous Council-a principal secretary chuan thuchhuah siamin, Diphu Municipal Board leh Greater Diphu Town area chhunga sorkar leh private school zawng zawng bakah college-te chu Inrinni thleng khar turin a ti.

National Health Mission (NHM), Assam in report a tihchhuahah, November 1-5 chhunga state puma dengue vei hmuh chhuah mi 5, 271 zinga mi 285 chu Karbi Anglong district-a mi an ni.

NHM chuan Karbi Anglong district dinhmun chu uluk taka thlithlai reng a ni a, dengue vei hi an pun zel lohnan kawng hrang hrangin invennate pawh kalpui a nih thu a tarlang.