World class aquatic sports neih theihna turin Umiam Lake chei tum

Assam leh Meghalaya chuan Meghalaya-a Umiam Lake chu chei a, khawvel huap pawha aquatic sports neih theihna tur, 'world class'-a siam turin thawhdun an tum.

Umiam Lake-a Rising Sun Festival 2022 kharna inkhawma thu a sawinaah, Assam chief minister Himatan Biswa Sarma chuan a sawi. Assam CM chuan state pahnihte bakah Indian Army chuan hmarchhak biala water sports chawilarna turin hma an la dawn tih a sawi a, Umiam Lake-a aquatic sports changtlung taka kalpui theihna turin Assam leh Meghalaya sorkar chuan awmze nei taka hma an lak a ngai a ni, a ti.

Festival buatsaihtu Indian Army, Gajraj Corps leh Red Horns Division-te chungah lawmthu sawiin, CM Sarma chuan Umiam Lake chu khualzinte hiptu lar tak a ni chho dawn tih a sawi bawk.