Assam Rifles Tri-Nation Motorcycle Rally-in Imphal thleng

Assam Rifles buatsaih Sardar Vallabhbhai Patel Unity and Heritage Tri-Nation Motorcycle Rally-a tlante chuan Inrinni khan Imphal an thleng a, 9 Sector Ar leh IGAR (S) hotute'n Mantripukhri-ah lo hmuak in an lo lawm a ni.

Rally hi October 30 khan Shillong aṭanga tlan ṭan a ni a, Meghalaya Governor Ganga Prasad leh Lt Gen Shokin Chauhan AVSM, YSM, SM, VSM, DGAR chuan an vai liam a ni. He rally-a tlante hian India, Myanmar leh Bangladesh ramte an fang mek a, km 2150 an tlan dawn a ni. Meghalaya, Tripura leh Mizoram khaw eng emaw zat an tlawh tawh bawk a ni.

Imphal-ah hian vawiin thleng an cham ang a, Nagaland leh Assam tlawhin November 22-ah Shillong thlen leh hman an inbeisei a ni.

Rally hi “The Royal Riders Club of Imphal” leh 9 Secrtor AR riders te'n an lo hmuak a, N. Nabhakishwar Singh, IAS, Thoubal DC chuan lo lawmna hun hi hmangin an pual hian cul­tu­ral program an lo buatsaih a ni.

Inpumkhatna leh inremna campaign neia tlan an ni chu Maj Gen Virendra Singh, VSM IG AR (S) chuan a fakin, lawm­awm a tih thu a sawi bawk.

Motorcycle rally member-te hian Pathianni khan Manipur Governor Najma Heptulla an hmu a, School leh college ṭhen­khat an tlawh bawk a ni.

Manipur Deputy Chief Minis­ter Yumnam Joykumar Singh-a'n vawiin hian a vailiam leh ang.