Manipur CM leh BJP sawiselna thu post-tu man

Facebook-a Manipur chief minister N Biren Singh leh BJP sawiselna thu post-tu, kum 22 mi Laishram Malemnganba chu Thawhṭanni khan man a ni.

Manipur police-te chuan state BJYM president Manoharmayum Barish Sharma complaint thehluh bawhzuiin, Laishram hi a chenna, Imphal East district-a Waition-ah man a nih thu an sawi.

Sharma chuan Laishsram hian FB-ah BJP chu Hindu sakhaw chauh buaipui tih lam hawiin a tarlang a, hei hian BJP rilru a ti na hle ni a,a ti.

Police-te chuan IPC section 295A, 298 leh 500 hnuaiah thubuai an siamsak a ni.