Assam sorkar hnathawkten old pension scheme hman leh phut

Assam sorkar hnuaia hnathawkte chuan Old Pension Scheme (OPS) hman leh phutin Thawhlehni khan nawrh an huaihawt. An thil phut tihhlawhtlin a nih loh chuan nawrh chhunzawm zel an tum thu an sawi bawk.

All Assam Govern­ment NPS Employees’ Association (AAGNPSEA) hminga Guwahati-a nawrh huaihawtah hian district hrang hrang aṭangin member-te an kalkhawm a ni. AAGNPSEA President Achyutananda Hazarika chuan, "Kan thil phut hi thil ho te, OPS hman leh a ni. Chief minister hnenah pawh kan thlen tawh a ni," a ti.

Assam-ah hian sorkar hnathawk nuai nga vel an awm mek a, an zinga nuai hnih 2.4 te chuan OPS hi an hmang pha lo a, New Pension Scheme (NPS) hman hnua lut an ni. August 22 khan sorkar hnathawkte hian NPS tihtawp phut hian an hnathawhna hmunah hna thawh loh ni, Karma Birati an lo hmang tawh bawk.

Hazarika chuan, "Sorkar chuan kan thil phut chu lo ngaihtuah a tiam a, November 30 thleng kan lungawina ang chhanna kan hmuh loh chuan nasa zawkin kan nawr leh ang," tiin a sawi.