AP-ah dawr 20 chuang a kang

Arunachal Pradesh-a Namsai khuaah nimin khan kangmei nasa tak a chhuak a, dawr 20 chuang a kangral.

Kangmei chhuahna hi Namsai-a 2nd mile area-a Police Beat Post bul a ni. Kangmei chhuah chhan tak hi hriatchian a la ni lo.

October thla khan Arunachal Pradesh-a bazar pui upa ber, Naharlagun Daily Market-ah kangmei chhuakin, dawr 700 vel a lo kangral tawh bawk a ni. He kangmei chhuak chungchangah hian fire department lam chu hna thawk ṭha tawk loa puh an ni a, hei vang hian official pahnih chu suspend an ni.