Manipur sorkar leh Infosys-ten MoU ziak

Manipur-a education department chuan teaching-learning activity tihchangtlunna atan Infosys Springboard kalpuina turin Infosys chu memorandum of understanding (MoU) a ziahpui.

MoU hi Chief Minister Secretariat-a Cabinet Hall-ah ziah a ni a, chief minister N Biren Singh pawhin a telpui a ni. Education commissioner (Schools) Gyan Prakash, Education director (Schools) L Nandakumar leh Infosys senior vice president Thirumala Arohi leh corporate affairs head Santhosh Ananthapura-ten an hming an ziak a ni.

Thawhdunna tura inremna a siam hi Corporate Social Responsibility Scheme hnuaiah technology aid kaltlanga teaching-learning activity leh awmze nei leh ṭangkai zawka zirtirna kalpuina tur a ni. He scheme hian zirlai leh zirtirtu hmalakna hran ve ve neiin, National Education Policy 2020 nen pawh a inzul vek bawk.

Chief Minister Singh chuan NEC chu policy ṭha tak a ni a, a state-a kalpui ṭan niin, hlawhtling taka kalpui a nih theihna tur hian puih pawh an ngai tih a sawi. Hei vang hian Infosys-te hmalakna chu fakin, Infosys Springboard Platform chu state chhunga zirlaite chuan an zirna kawngah an hlawkpui ngei dawn a ni, a ti.

Infosys Springboard kaltlang hian Class 6 chin zirlaite hnenah corporate-grade learning an neihna turin curriculum virtual platform siam a ni dawn a, educator-learner collobaration te siam a ni ang. Zirtirtu tan teaching technique an zirna tur “Facilitate to Engage” course siam ani dawn a, hemi hnuaia programme hrang hrangte chu Infosys expert-ten online hmangin an zirtir ṭhin dawn a ni.