Hornbill Festival-ah India President a tel dawn

Nagaland Chief Minister Office (CMO) thuchhuah chuan December 1-a Hornbill Festival an hman turah, President Ram Nath Kovind a tel dawn thu an tarlang.

CMO Press Release-in a tarlan danin President rual hian Union Defence Minister Nirmala Sitharaman, Supreme Court Judge Justice Ranjan Gogoi leh Union Minister for Textiles, Information & Broadcasting Smriti Irani-te chuan Hornbill Festival an chhim tur thu an tihchiang tawh bawk a ni.

Union Home Minister Rajnath Singh, Union Minister for MoRTH Nitin Gatkari, Minister of State for DoNER Dr. Jitendra Singh, Arunachal Pradesh Chief Minister Pema Khandu; Manipur Chief Minister N. Biren Singh, Assam Chief Minister Sarbananda Sonowal leh Minister of State for CultureMahesh Sharma-te chu tel tura beisei an ni bawk.

Chief Minister TR Zeliang pawhin Thawhlehni khan Festival hmanna tur hi tlawhin inbuatsaihna a ṭhat leh ṭhat loh a enfiah a ni.