Assam-ah IAS Officer man

Assam-a Indian Admi­nistrative Service (IAS) offi­cer pakhat chu state labour department pawisa cheng vaibelchhe 121 khawih ching­pena puh a nih avangin man a nih thu, Nilaini-a police-te thuchhuah chuan an tarlang.

Police-te chuan IAS officer an man hi Chohan Doley a nih thu an tarlang a, Doley hi lanour department commissioner ṭhin a ni a, 2013-2017 chhung khan department pawisa tamtham tak khawih chingpenah puh a ni. Doley hi state panchayat and rural development depart­ment secretary ni lai a ni a, Chief Minister Sarbananda Sonowal-a Special Vigilance Cell (SVC)-te'n an man thu tarlan a ni.

An man hnu hian court-ah hruai a ni a, ni 10 chhung police kutah a awm dawn a ni. SVC-te hian kar kalte Ningani aṭang khan corruption kaihhnawihah mi 22 an man tawh a, midang 3 an la zawng mek bawk a ni.

Chief Minister Sarbananda Sonowal pawn corruption a inhnamhnawih reng reng chu an dim dawn lo tih a lo sawi tawh bawk.