NIT Agartala-in Rubber leh Bamboo Research centre din dawn

National Institure of Technology, Agartala (NITA) chuan rubber leh bamboo research centre an din dawn thu thuchhuah siamin an tarlang. An thuchhuah chuan hmarchhaka induhstry tihchangtlun nan leh hna siam belh a nih theih nana din an nih thu an sawi bawk.

NITA Director Ajoy Kumar Roy chuan Tripura chu India ramah Kerala tih lohah chuan rubber tharchhuak tam ber a nih thu sawiin, rubber research centre din a nih chuan Tripura-a rubber industry leh rubber tharchhuahin hma a sawn ngei a beisei thu a sawi. Chutiang bawkin bamboo research centre din a nih hunah chuan hmasawnna tam tak hmuh theih a nih dawn thu sawiin, Tripura, Mizoram leh hmarchhak state dangah pawh mau tam tak tharchhuah a nih ṭhin thu a sawi a ni.

Mau bik hi Tripura-ah hian hectare 75,000 a zauah phun niin, Ton 60,000 zet kumkhata thar a ni thin a, hmarchhak mite chuan "green gold" an ti hial a ni. Rubber pawh hi Tripura hian cheng vaibelchhe 650 man zet a thar ṭhin a, cheng vaibelchhe 620 man hu zet chu state pawna thawnchhuah a ni ṭhin bawk.

Tripura-a Bodhungnnagar area-ah India rama rubber industrial park lian ber dawttu a awm tawh bawk a, he lai velah tho hian Bamboo park hmasa ber tur din tuma hma lak mek a ni bawk.

Science leh Engineer lama a thawhlawk avanga kumina Padma Shri hmutu Roy chuan, NITA-in Memo­randum of Understanding (MoU) pathum, corporate leh training institute pathum nen an ziah thu a sawi bawk a, Oil and Natural Gas Corporation, North Eastern Electric Power Corporation leh Bangalore ami iBuild-te nen heng MoU hi an ziah thu a sawi a ni. Anni bakah hian IIT Madras nen pawh MoU an ziah thu a sawi bawk.