Shillong-ah Wine Festival vawi 18-na hmang

Meghalaya khawpui, Shillong-ah chuan Covid hri leng vanga kum hnih chhung an neih theih loh hnuah, Inrinni khan Wine Festival vawi 18-na an nei leh ta.

Festival hi chhimtu an ṭhahnem hle a, tualchhung wine siam hrang hrangte pholan a ni. Wine pholan zingah hian Umpohliew Home-Made Wines, Three Graces Wines, Makhane, Khasi Wine, leh Bari’s Wine-te a tel.

Forever Young Sports Club chuan festival hi kumtin a buatsaih ṭhin. He club dintu Micheal Syeim hi tualchhung wine siamten dan anga hralh phalna kawnga hmala tu pawimawh tak niin, kum 2020 khan Meghalaya sorkar chuan tualchhunga wine siam hi hralhchhuah a lo phalsak tawh a ni.