BJP-in CAA a taka kalpui ngei a tum : Assam CM

Assam chief minister Himanta Biswa Sarma chuan BJP chu Citizenship Amendment Act (CAA) chu a taka kalpui ngei a tum a, rules-te siam fel a nih hunah kalpui a ni ang, a ti.

Hindustan Times Leadership Summit-ah thu a sawiah, Assam Chief Minister chuan Hindu-te chuan an ram leilung ngeiah khua leh tui nihna nei turin dikna an nei a ni tiin, BJP chuan CAA hi a thlawp zel tur thu a sawi.

CAA hi pawm vek ni tawh mah se, tun thlengin rules-te siam fel a la ni lo. Sarma chuan rules siamfel mai a nih loh chhan chu ram chhungah CAA dodalna lantir a nih fo vang leh, Covid-19 hri lengin a rawn zui ve leh nghal vang a ni, a ti. "Buaipui mek niin, BJP chuan a tifel ngei dawn a ni. Parliament-ah pass vek a ni tawh a, hei vang hian CAA rules pawh neih thuai a ni tawh ang," a ti.