Nagaland-in January 1 aṭangin 7th pay hmang ṭan dawn

Nagaland sorkar chuan kum thar January 1 aṭangin 7th pay ṭan a nih tur thu a puang.

School Education and Parliamentary Affairs minister Tokheho Yepthomi chuan sorkarin January 1 aṭanga 7th Revision of Pay hman a tum thu hi a sawi a ni. Hemi a nih avang hian sorkar chuan kumtin cheng vaibelchhe 882 vel zet a hnathawkte a pek a ngaih dawn thu a sawi bawk.

Demapur Padumpukhuri-a 'Ahuna Festival' hmannaa thu a sawi naah he thu hi sawiin, Tokheho sawi dan chuan 2011 inthlanpuia state chhunga mi nuai 19.87 awm zingah nuai 1.28 chu sorkar hnathawk regular an ni a, regular lo 16, 000 an awm bawk avangin, sorkar hnathawk awm zawng zawng chu nuai 1.43 an ni. Tokheho chuan heng zinga 43, 000 chuah hi hnathawh tak tak an ni ang, a ti.