Sikkim-in 2017 Global Para-gliding Contest thleng dawn

Hmarchhak state Sikkim chuan khawvel huap 'Global Paragliding Contest' a thleng dawn.

Sikkim Paragliding Assaociation (SPA) chuan thuchhuah siamin, state khawpui Gangtok-in khawvel pum huap inelna a thlen hmasak ber tur 'Global Paragliding Contest' chu December 17-21 hian neih a nih dawn thu an sawi.Sikkim’s first Paragliding Red Panda International Accuracy Open Championship neih turah hian ramchhung leh khawvel hmun hrang hrang aṭangin paraglider 125 chuang an tel dawn a ni. Tun hnaiah paragliding hi henglai hmuah hian a lar thar hle tih sawiin khualzin mite hiptu ber pakhat pawh a nih ṭan thu tarlan a ni.

SPA chuan Fede­ration Aeronautique Inter­national (FAI) in he inelna atana senso hi a tum tur thu an tarlang a, SPA thupuangtu Manoj Kumar Chettri chuan khawvel paragliding map-a Sikkim tarlan tumna a nih mai bakah, khualzin mite nasa zawka hip na tur a nih thu a sawi.

Paraglider-te hi Annae Gumpa tlang chhip, Metre 1450-a sang aṭang­in an zuangthla ang a, Reshi­thang-a Khel Gaon-ah an ṭum dawn a ni. An zuanthlak na aṭanga an ṭumna tur hmun hi km 1 vel niin an sawi a ni.