Manipur-ah bomb puak duh lohna kawngzawh huaihawt

Manipur-a Civil society organisation pa­khat Anal Tribe-te chuan Inrinni khan Chandel district heaquarters-ah November 13-a bomb puak duh lohna lantir nan kawng an zawh.

November 13-a bomb puakah khan Assam rifles sipai pahnihin nunna an chan a, midang parukin hliam an tuar bawk a ni. He bomb puak hi Re­volutionary People’s Front (RPF) hnuaia pawl pakhat People’s Libe­ration Army (PLA)-te tihpuah niin, Anal Tribe-te hian an duh lohna an lantir a ni.

Anal Tribe kawng zawh hi Anal Naga Tangpi (ANTA), Anal Stu­dents’ Union, Anal Wo­men Union, Anal Lon Chiefs’ Association leh Anal Christian Forum te buatsaih a ni a, Mini Indoor Stadium kawtah pungkhawmin deputy commissioner office thleng kawng an zawh a ni. DC office-ah hian Prime Minister hnena thelut tur Memorandum an thehlut bawk.

An kawngzawh naah hian "Bomb puak kan duh lo" tih te leh "Remna kan duh" tih thuziak te an kengin, Japhou bazar kal­tlangin DC office kawt thleng kawng an zawh a ni.

Chandel dictrict deputy commissioner kaltlanga memnorandum Prime Minister hmuh tura an thehluhah hian Anal Civil Society Orga­nisation chuan hetiang thil hi chu uluk taka enfiah tur a nih thu ziakin, Anal Nagas te chuan Indo-Naga ramna zawnga an inbiakna kawngah hian politician ṭhenkhat buaina siam tum an awm a ni, an ti.