Indian leh Myanmar sipai-te'n joint training nei

India leh Myanmar sipaite chuan Meghalaya-ah Thawṭanni aṭang khan joint exercise an nei ṭan.

Joint exercise hi ni ruk daih tur niin, Shillong aṭanga km 25 a hla, Umroi Cantonment state-of-the-art Joint Training Node-ah neih a ni. Defence thu­puang­tu Lt. Col. Suneet Newton chuan he Joint exer­cise hi a hmingah 'IMBAX-2017' tih a nih thu sawiin, United Na­tions Peacekeeping Opera­tions (UNPKO) hnuaia ram pahinin Joint exer­cise an neih hmasak ber a nih thu a sawi.

Myanmar sipai officer 15 leh India sipai 16-te'n ni ruk chhung joint training hi an neih dawn tih sawiin, Newton India Sipaiten UNPKO hnuaiah experience ṭha tak an neih tawh thu a sawi bawk. Myanmar sipaiten UNPKO-a thil kalpui dan hrang hrang an hriat theih nana buatsaih a nih thu a sawi bawk a ni.

Umroi Contenment-ah tho hian November 11 khan India leh Bangaldesh sipaite chuan joint training hlawhtling tak an lo nei tawh a ni.