Meghalaya : Kalaichar Border Haat hawng dawn

Hri leng vanga kum hnih chhung khar a nih hnuah, Meghalaya leh Bangladesh border-a Kalaichar Border Haat chu November 30 aṭangin hawn a ni dawn.

Thawhlehni khan Border Haat-ah hian Indo-Bangla Joint Border Haat Management Committee meeting neih a ni a, ramri bazar hawn leh hun tur hi an rel a ni. November 30 aṭangin hawn a ni dawn a, kar khatah ni hnih - Thawhṭanni leh Nilaini ah hawn ṭhin a ni ang. Committee chuan Border Haat cheiṭhat te, a hungna siamṭhatte an an rel a, kum khatah joint Border Haat Committee meeting vawi khat tal neih ṭhin an rel bawk.

Meeting-ah hian South West Garo Hills deputy commissioner Gideon Kharmawphlang leh Bangladesh-a Kurigram district magistrate Md Rezaul Karim-te an tel.

Ramri bazarah hian bungrua hi chi 62 zawrh phal niin, dawr awm zat chu 50-ah tihpun an remti bawk.