Hmarchhaka venhimna Indian Air Force hotuin enfiah

Indian Air Force (IAF) Chief Air Marshal B.S. Dhanoa leh Eastern Air Command commander te chuan Thawhlehni khan hmarchhaka venhimna a ṭhat tawk leh tawk loh an enfiah.

Dhanoa hian Comman­ders' Conference Shi­llong-a neihah hmarchhak biala venhimna dinhmun chu commander kalkhawm te hnenah hian a sawi a ni.

IAF hotu chuan commander kalkhawmte fuihin, eastern zone-a an hmanraw neih te leh an venhimna kalpui dan te chuan hmasawn a mamawh thu a sawi a, leadership, team buiding leh discipline pawimawhna pawh a sawi bawk a ni.

Air chief leh a nupui Kamalpreet Dhanoa, Air Force Wives Welfare Association (AFWWA) president-te hi Shillong-based Eastern Air Command hruaitu Air Marshal Anil Khosla-a'n lo hmuakin ven­himna khauh tak hnuaiah Shil­long hi thlenpui a ni.

Air Chief hian Ope­ration, Ma­nitenance leh Administration lama tiṭha chawimawina hlanna a nei nghal bawk a ni.