Tripura Journalist thah chung changah TSR Commandant an man

Tripura State Rifles (TSR) 2nd Battalion Commandant Tapan Debbarma chu Nilaini khan journalist kahhlum thubuaiah man a ni ve leh.

Agartala bul batallion headquaters bula journalist kahhlum a nih chung changah TSR Commandant chu local court thupek in police kuta ni 10 awm turin an man ve leh a ni.

Superintendent of Police (Police Control), Harkumar Debbarna chuan hel beilettu paramilitary force commandent chu Thawhlehni-a battalion headquarters chhunga journalit Sudip Datta Bhaumick kahhlum a nih chungchang thubuaiah man a ni, a ti.

Journalist Bhaumick kaphlumtu TSR Constable Nandalal Reang pawh Thawhlehni khan police te hian an man tawh bawk a, ani leh TSR Commandant te hi Chief Judical Magistrate Sharmishtha Mukherjee hmaah Nilaini zing khan hruai an ni.

Journalist kahhlum a ni hi hmar­chhaka journalist pawl hrrang hrang te chuan an duh lohna an lantir nasa hle a, Tripura Chief Minister Manik Sarkar pawhin a dem thu a lo sawi tawh bawk a ni. Pawikhawihna thlen hnu hian mitthi ruang an dahna damdawi-inah BJP leh rorellai CPI-M hruaitute chu an kal nghal a, pawikhawihna thlen dan hi chhuichiang vat turin eptu party BJP te chuan chief minister an ngen nghal bawk.

Sudip Datta Bhaumick hian Comman­dant Tapan Debbarma hi hmuh tumin batallion headquaters-ah hian a kal a, hetah hian Debarmma vengtu Reang hian inhnial buai vangin a lo kaphlum nia tarlan a ni. Bhaumick hian a nupui leh a fate pahnih a kalsan a ni.