Assam : Kristian sakhuaa inleh luihtirna a thleng niin PM hnenah zualko
Assam-a Bodoland People's Front (BPF) hotu Hagrama Mohilary chuan prime minister Narendra Modi leh union home minister Amit Shah hnenah lehkha thawnin, Bodo tribal hnam chhungkaw eng emaw zat chu Kristian sakhuaah inleh luih tir an ni tih a sawi.
Mohilary hian a lehkha thawnah, Bodoland Territorial Council (BTC) Chief Executive Member (CEM) Pramod Boro-a thuneihna hnuaiah Bodo hnamte hi thlemna chi hrang hrang nen, Kristian sakhuaah inleh luih tir an ni tih a tarlang.
Tun hnaia Delhi-a BJP hruaitu lúte a hmuh ṭum pawhin Mohilary hian BTC area-a hmun hrang hrangah Kristian biak-in sak a nih thute a lo hrilh tawh bawk. BPF thlawpna avangin kum 2016 khan Assam-a BJP chuan sorkarna an siam thei a, BJP leh BPF chu an duhdan leh sukthlek pawh in ang a ni tiin, BJP hruaitute chu a ring tawk tih a lehkhathawnah hian a sawilang bawk.
BPF hian Assem assembly-ah hian MLA pathum an nei mek a ni.