Tripura : Ujjayanta Palace-ah Asia-a fountain lian ber siam tum

Tripura khawpui, Agartala-a Ujjayanta Palace-ah Asia khaw­mual­puia fountain lian ber siam tum a ni a, nakkum January thlaah zawh hman tum a ni.

He fountain hi Agar­tala Smart City Limited (ASCL) project hnuaiah siam a ni dawn a, meter 120-a sangin an siam dawn a, laser light-te dah a ni bawk ang. Fountain siamna tur fund hi Asian Development Bank (ADB) in a pe dawn a ni.

ASCL CEO Dr Shailesh Kumar Yadav chuan ASCL hnuaiah Agartala khawpui chhung chei hna chu ngawrh taka thawh a ni tih sawiin, sorkar laipuiin Rs vbc 294 leh state sorkarin Rs vbc 78 fund atan a pek thu a sawi. Heng aṭang hian hna thawhna tur project 67 siamin, heng zinga project 49 chu thawh zawh a ni tawh tih a sawi.

Project lian zingah hian Rs vbc 52 senga airport panna kawngpui four-lane siamna tur pawh telin, hei hi nakkum January thlaah zawh hman an tum tih a sawi.