Meghalaya BJP vice president-in inthlanah CM Sangma khing dawn

Meghalaya BJP vice president, bail-a chhuah mek Bernard Marak chuan nakkuma state assembly inthlan neih hunah chief minister Conrad K Sangma chu khin a tum tih a sawi.

CM Conrad hi South Tura bial MLA niin, he bialah bawk hian a chuh leh rin a ni. BJP chuan CM biala chuh turin Bernard Marak hi an ruat a, campaign pawh neih ṭan thuai an tum. BJP tan leh Marak tan hian Assam chief minister Himanta Biswa Sarma pawh a campaign dawn niin Meghalaya BJP president Ernest Mawrie chuan a tarlang.

Meghalaya BJP chuan inthlan neih tur atana a party manifesto pawh an buatsaih mek tih sawiin, an state-ah hian prime minister Narendra Modi, union home minister Amit Shah, BJP national president JP Nadda-te pawh an campaign dawn tih an sawi. Mawrie chuan an campaign-naah hian National People's Party (NPP) kaihhruai sorkar hnuai thil dik tawk lo thleng hrang hrangte pawh an pholang vek dawn tih a sawi.