Tripura CM-in 'Amar Sarkar' portal tlangzarh

Tripura chief minister Manik Saha chuan Inrinni khan mipuite leh sorkar hnuaia department hrang hrangte inthlunzawmna siamna tura a duan Amar Sarkar portal a tlangzarh.

Webportal-ah sorkar department 78 dah an ni a, panchayat department pawh dah tel a ni. He portal-ah hian mipuiten harsatna leh complaint an neihte, village committee official-te kaltlangin an thehlut thei dawn a ni.

Kumin September thla khan Tripura sorkar hian prime minister Narendra Modi pianchampha pualin 'Har Ghar Sushasan' initiative chu a lo hawng tawh bawk.

Thla thum awh tur he hmalakna hian tun thla thleng a huam dawn, sorkar laipui leh state sorkar hnuaia scheme hrang hranga hamṭhatna dawngtu turte chu an kawtkai ngeiah pek an nihna tura an hma­lakna a ni.