Tripura-ah hmeichhiate laka pawikhawihna thleng tlahniam

Tripura chief minister Manik Saha chuan kum 2018 aṭangin an state-a hmeichhiate laka pawikhawihna thleng ṭhin chu 30% in a tlahniam tawh tih a sawi.

Chief Minister chuan Bharatiya Janata Party (BJP)- Indigenous Pe­ople’s Front of Tripura (IPFT) ṭangrual sorkar a din kum, kum 2018 aṭangin Tripura-ah hmeichhiate laka pawi­khawihna leh tharum thawhna thleng ṭhin a tlahniam sawt hle tih sawiin, National Crime Records Bureau (NCRB) 2021 data aṭanga a landanin, Tripura chu pawikhawihna thleng tlakhniam lamah state pangana a ni pha a ni, a ti.

Eptu party-ten BJP sorkarna hnuaiah state chhungah dan leh thupek dinhmun a chhe hle nia an sawi chu thu dik lo a nih thu sawiin, CM chuan statistics hrang hrang aṭang pawhin an state-a dan leh thupek kenkawh kawngah kum 2018 aṭangin hma an sawn zel tih a lang niin a tarlang bawk.