Meghalaya-ah Northeast Green Summit nei

Ni thum awh tur Northeast Green Summit chu Pathianni khan Megha­laya-ah ṭan a ni.

Summit hi Meghalaya khawpui, Shillong aṭanga km 20 vela hla, Umsaw-a North Eastern Police Academy (NEPA)-ah neih a ni.

Kumin hi summit an neih vawi sarihna niin, thupui atan 'Balancing People, Planet, Profit: Sustainable Northeast India and BIMSTEC region' tih hman a ni.

Summit buatsaihtu, Vibgyor NE Foundation chuan policy maker, green professional leh entrepreneur-te an tel tih a sawi. Science, culture leh market mechanism lam te sawiho a ni dawn a, hei bakah hian hmarchhak bialin green practice, product leh service lama hlawhtlinna a lo neihte pholan a ni bawk ang.