Nagaland Jail aṭangin mi 9 tlanchhuak

Nagaland-a Mon district jail aṭangin Inrinni liam ta khan tang pakua an tlanchhuak a, an zingah hian tualthah thubuaia thiam loh chantir pawh a tel.

Police-te chuan tang pakuate hian an tanna cell thir kawngkhar leh an handcuff tichhiain Inrinni zing hma takah khan an tlanchhuak tih an sawi. Mon police station-ah thubuai ziah luh nghal niin, tang tlanchhuakte hi ngawrh taka zawn zui nghal an ni. An khua ṭheuha village council-te pawh hriattirna pe nghalin, tang tlanchhuakte chanchin hi an hriat chuan police-te hriattir nghal turin hrilh an ni bawk.

Tang tlanchhuak pakua zinga pahnih hi thiam loh chantir an ni tawh a, mi dang pasarihte chu an thubuai ngaihtuah lai mek an ni.