Tripura-in govt-aided school rules a siam danglam

Tripura sorkar chuan an state chhunga government-aided school-ah zirna ṭha zawk kalpui a nih theihna atan dan a siam danglam.

Dan siam danglamah hian, school managing committee chuan thawktu lak chungchang buaipui turin school education department director telpuina hnuaiah Tripura Teachers' Recruitment Board an din dawn tih education minister Ratan Lal Nath chuan a sawi. Zirtirtu thar lak tur chungchangah, sorkar school-a student-teacher ratio ang chu zawm a ni ang, a ti bawk. A hma chuan zirtirtu lak tur chungchang hi school bila managing committee-in buaipuiin an la mai ṭhin.

Minister chuan, "Govt-aided school enkawltute nen pawh a ṭha thei anga school kalpui a nih theih dante kan saiwho a ni. Meeting-ah hian a tam zawkin service rules hlui chu siamṭhat an duh thu an sawi a ni," a ti. Service rule thar chuan school thuneitute hnenah thuneihna sang zawk pein, an dinhmun azirin zirtirtute chu an chenna hnaivaia govt-aided school-a sawn theihna pek an nih thu a sawi. Sorkar chuan govt-aided school-te tan sum a seng reng a, hei vang hian heng school-te hian zirna ṭha an pechhuak vek tur a ni, a ti.

Tripura-ah hian goverment-aided school hi 43 a awm mek a, zirlai 26,409 awmin, zirtirtu 1,426 an awm a ni.