Ram acre 35-a zaua poppy chin tichhia

Manipur sorkarin ruihhlo do beihpui thlakna, 'War on Drugs' campaign a kalpui mekna hnuaiah Kangkokpi district police, forest official leh Assam Rifles (AR) joint team chuan Koubru hill range-a ram acre 35-a zaua poppy chin an tichhia.

Kangpokpi SP Amrita Sinha-i chuan joint team-ah hian Narcotic and Affairs of Borders (NAB) leh Saitu sub-deputy collector-te pawh an tel tih sawiin, a enpuina hnuaiah dan loa poppy chinte hi tihchhiat a nih thu a sawi. Narcotic Drugs and Psychotropic Substances (ND&PS) Act hnuaiah thubuai pawh ziahluh a nih thu a sawi bawk.

'Kangkokpi police-te chuan poppy chinna hmunte hi zawngchhuakin, an tichhe zel dawn a ni. Dan kalha poppy chingtute leh ram neitute pawh dan angin an chungthu ngaihtuah zel a ni ang," tiin SP chuan a sawi.