Sorkar laipuiin Asia ramte nena inkawlpawhna tur ngaipawimawh

Assam Governor Jag­dish Mukhi chuan Pathianni khan thuchhuah a siam a, sumdawnna lama hmarchhak state-te'n hmasawnna an neih theih­na turin sorkar laipui chuan hma a la mek tih a sawi.

Governor Jagdish Mukhi chuan Assam khawpui Guwahati leh South East Asia ram pawimawhte chu thlawh­theihna hmanga inkalpawhna ṭha zawk nei turin hma lak a ni, a ti. Assam chu sumdawnna hmunpuia siam tum a nih thu sawiin, Association of Southeast Asian Nation (ASEAN) ramte nen nasa zawka insumdawn tawnna kalpui a nih theih nan inkalpawhna tur ngaihtuah mek a nih thu a sawi.

Mukhi chuan ASEAN ram 10 te nen inbiakna nei tura hmalak a nih thu a sawi a, tun hmaa an lo hman tawh ṭhin, hmarchhak state leh Asia ramte insumdawn tawnna kawng pawh hawn leh a nih dawn ani, a ti.

Assam Governor chuan hmarchhaka lei­lung hausakna awmte chu nasa zawka lakchhuah a, hman ṭangkai tum a ni. Hei hian hmarchhak economy dinhmun pawh a chawisang dawn a ni, a ti. Asia ramte leh hmarchhak state-te inkalpawhna tur hian lei, van leh tui lam thlenga kawng siam tum a nih thu a sawi bawk.