Tripura-ah Bank official 4 ru bo, an chin hriat la ni lo

Tripura-a Telaimura-ah Zirtawp zan khan bank official 4 ruk bo an ni a, an chin hriat an la ni lo.

Security force-te chuan theihtawp chhuahin heng an mi ruk bo takte zawn hna hi an thawk a, Pathianni zan thleng kha chuan an awmna chin hi hriat a la ni lo.

Heng an mi ruk bo takte hi Tripura Gramin Bank official-te an ni a, misualte hian Khowai district-a Telaimura aṭanga Agartala pana an haw lam an lo ru bo tih police te chuan an sawi. Tripura State Rifles (TSR) leh an thawpui securitu force-te chuan bo zawn hna hi West Tripura-a Khowai leh Gomati district-ahte ngawrh takin an kalpui mek tih, Gomati Superintendent of Police Bijoy Debarbarma chuan a sawi. Police SP chuan hmuh an nih hma chu an zawn zel tur thu sawiin, Bangladesh luhpui an nih loh nan ramri pawh uluk taka an ven thu a sawi bawk.

Ruk bote zawn hna hi police chief Akhil Kumar Shukla leh police official dangten an enpui reng a, ruk bo zinga pathumte hi car-ah an chuang a, an zinga pakhat Subrata Debbarma (32) erawh hi chu motorcycle-ah a chuang thung a ni. An lirthei chuanna pawh hi a awmna chin an la hre lo.

Police official chuan a ru botute hi tute nge an nih an la hriat loh thu sawiin, an awmna pawh an la hriat loh thu an sawi bawk.

An ruk bo tak chhungte chuan mi tu tih hriat loh hnen aṭanga phone call an dawn thu leh an mi mante chhuah nan mi pakhat zelah cheng nuai 20 ṭheuh an phut thu an sawi a ni, an ti.