Tripura journalist thah chungchangah mi pahnih man belh

Tripura journalist Sudip Datta Bhowmick thah a nih chuangchang thubuai chhuina kal zelah, Tripura State Rifles (TSR) mi pahnih man belh leh an ni.

Tripura police-te chuan Inrinni khan heng mite hi man an nih thu a tarlang. An mi mante hi Nayek Amit leh Rifleman Dharmendra Kumar Singh-te an ni a, Datta Bhowmick thahnaah khan inhnamhnawia puh an nih thu police-te chuan an sawi. Heng an mi mante hi Court-ah hruai an ni a, Chief Judicial Magistrate Sharmishtha Mukherjee hmaah an inlan a, police kutah ni sarih an awm phawt zui dawn a ni.

Datta Bhowmick hi Ben­gali chanchinbu 'Syandan Patrika' reporter niin, kar kalta Thawhleni khan TSR Batallion headquarters chhungah kah hlum a ni a, a kaphlumtu Nan­dalal Reang leh batallion comman­dant Tapan Debbarma-te chu kar hmasa lam khan man an lo ni tawh bawk.

Journalist an thah tak mobile phone hi Commandant kut aṭang hian man a nih thu tarlan a ni a, report ṭhenkhatin an tarlan danin Bhowmick hian Debarmma thil tih dik loh chungchang hi news-ah vawi 11 vel a chhuah tawh a, hemi vang hian batallion headquarters-ah hian Debarmma hian koin Debarmma bodyguard Reang hian a kaphlum ta niin an sawi.

He thil thleng vang hian hmarchhak hmun hrang hranga Journalist pawl hrang hrangte chuan lungawi lohna leh an dem thu an ti lang nasa hle a ni. Tripura Journalist Asso­ciation (TJU) secretary Pranab Sarkar chuan Press Council of India (PTI) pawhin he inthahna chungchang hi an hriatpui thu a sawi bawk.