Rajnath Singh-a'n Meghalaya tlawh dawn

Union Home Minis­ter Rajnath Singh chuan December 7 hian Megha­laya a tlawh dawn a, booth-level Bharata Janata Party (BJP) worker te a tlawh dawn thu party official thuchhuah chuan a tarlang.

Rajnath Singh hian Meghalaya-a party office a hawng nghal dawn bawk tih an sawi.

BJP state president Shibun Lyngdoh chuan Union Home Minis­ter hian assembly con­stituency pali, East Khasi Hills, Ri Bhoi, West Khasi Hills leh Shillong-a booth level ‘karyakarta sammelan’ party worker 3000 chuang hmaah thu a sawi dawn niin a tarlang.

Lyngdoh chuan state assembly inthlan neih turah state chhunga seat awm zawng zawng 60-ah chuh vek an tum thu sawiin, National BJP President Amit Shah pawhin Meghalaya hi tlawh a tum bawk niin a sawi.