Assam-ah eviction drive chhunzawm

Assam sorkar thupek anga Guwahati-a Amchang Wild­life Sanctuary-a dan loa awmte nawr chhuah hna, viction drive kalpui mek chu hun engemaw chen chawlh lailawk a nih hnuah Thawṭanni aṭang khan ṭan leh a ni.

Gauhati High Court thupek angin state police leh thuneitu mi 1500 vel bakah sai15 te chuan wildlife sanctuary-a dan loa awm te nawr chhuah hna hi an thawk a ni.

Sanctuary bula awm Botahghuli, Kankan­nagar, Yusufnagar leh Nabajyotinagar thuneitute chuan ni thum chhung atan eviction drive hi an kalpui dawn a ni.

August thlaa dan lo a awmte nawr chhuah hna an kalpui dawn khan Wildlife sanc­tuary chhungah hian chhungkaw 3000 vel an cheng nia tarlan a ni a, heng zinga chhungkaw eng emaw zat chu anmahni in an insawn chhuak ve bawk a ni.

Kampur district thu­neitute chuan eviction drive hna chawlh lailawk a nih chhan hi hna kalpui danah thil duhthusam lo deuh a awm avangin chhungkaw chengte nawr chhuahna tur hian ruahmanna mumal zawk siam a ngaih vang a ni, an ti.

Gauhati high court chuan November thla thleng eviction drive kalpui tur hian thu a lo pe tawh a, hetih lai hian nu pathum, eviction drive dotute chu hliam an tawrh avangin Gauhati Medical College and Hospital (GMCH)-ah enkawl an ni bawk.