India-Myanmar media mite intawh khawmmna Manipur CM in hawng
Manipur Chief Minister Biren Singh chuan Thawhṭanni khan ni hnih awh tur India-Bangladesh media interaction programme chu Hotel Imphal-a Sangai Hall-ah a hawng.
Biren Singh chuan sorkarin inlaichinna ṭha an neih theihna turin ram pahnih inkara service tur bus an ngaihtuah mek thu a sawi. He hunah hian Manipur journalist 11 an tel a ni.
Singh chuan hetiang hun buatsaih a ni hian ram pahnihte inkarah inkungkaihna ṭha a thlen ngei tur thu a sawi. Manipur leh Myanmar miten ṭangkai taka an hman theih nan ram pahnih inkara service tur bus ngaihtuah mek a nih thu sawiin, private company pakhat chuan hemi chungchangah hian sorkar an biak tawh thu a sawi bawk. Singh chuan Maniour State Transport bus ṭhenkhat chu Imphal leh Myanmar khaw ṭhenkhat inkarah regular taka a tlan ṭhin thu a sawi.
Manipur CM chuan Myanmar journalist-te chu ram pahnih inkara bus hlawhtling taka a service theih nana hma la turin a ngen nghal bawk.
He programme hi Manipur Tourism department, Information and Public Relation department leh Act East Policy state level committee te ṭangkawpin an buast-saih a ni.