Nagaland Peace Accord : Sorkar laipuiin remna zawnna Senso puangzar duh lo

Home Ministry chuan Naga Peace Accord 'Framework Agreement' siam nana a sum hman ral zat puanzar a ni dawn lo tih sawiin, ramchhung security nghawng thei thil a nih avangin puanzar a ni dawn lo, a ti.

Home Ministery thuchhuah chuan, Naga Framework Agreement atana senso puanzar chu thil pawi tak leh ram himna nghawng thei thil a nih thu sawiin, puanzar a tum loh thu a tarlang. Official-te chuan Right to Information (RTI) Act, Section 8(1)(a) dan tlawhchhanin information hi punzar loh theih a nih thu an tarlang a ni. Clause 8(1)(a) hian ramchhung security, inpumkhatna, thil tum, scientific, ram dang nena inkungkaihna leh economy lam thlenga thil pawi thlen thei information chu puangzar loh a phalsk a ni.

Home Ministry chuan Naga hel - National Socialist Council of Nagaland-Issak Muivah (NSCN-IM) hruaitute chu August 3, 2015 khan Framework Agreement a lo ziahpui tawh a ni. Hetih lai hian inremna ziah hi puanzar a nih loh bakah, senso pawh tarlan a ni lo a, hei vang hian dodalna pawh a nsa hle a ni. Mi tamtak chuan kum 60 dawn Naga buaina awm tawh chu he inremna hmang hian chinfel theih a nih an beisei thung.

Hetihlai hian an inremna ziah hi tun thlenga puanzar a la nih loh avangin mi tamtak chuan inremna tluan tling a awm theih an beisei lo. NSCN-IM-te hian Naga-te hmun khata an awmkhawmna tur 'Greater Nagaland' din an ngiat a, hei hi sorkar hian a tihhlawhtlinsak a nih chuan Assam leh Manipur ram ṭhenkhat chu lak hek a ni dawn ni a sawi a ni. Hemi chungchangah hian Assam Chief Minister Sarbanada Sonowal chuan, Assam-in a ram inchi khat pawh a hloh loh tur thu a lo sawi tawh.

Manipur Chief Minister hlui Okram Ibobi Singh pawhin an inremna siamah thil pawi a awm lo a nih chuan engvanga puangzar lo nge an nih tiin sorkar a lo zawt tawh bawk a ni.