Karbi Anglong district-ah in 200 chuang kang ral

Assam leh Nagaland inrina bul, Assam-a Karbi Anglong district-a Bokajan khuaa Lahorijan hmunah Nilaini khan kangmei a chhuak a, chenna in 200 chuang a kangral.

Kangmei chhuak ṭhelh tur hian Assam bakah Nagaland aṭangin kangṭhelhtute tirh an ni. LPG cylinder eng emaw zat a puah avangin kang­mei hi a kangkai chak hle a, ṭhelh pawh a harsa hle.

In 200 chuang a kan bakah, motor pawh eng emaw zat a kang chhe bawk. Kangmei chhuah chhan tak hi hriatchian a la ni lo. Mihring thi leh hliam erawh an awm lo nia sawi a ni.