Defence project-te hi ngaih pawi­mawh tur a ni : AP Governor

Arunachal Pradesh governor Brigadier (retd) BD Mishra chuan an state chhunga defence project-te chu ngaih pawimawh a, hun bitukah zawhfel zel a ṭul thu a sawi.

AP-a defence project hnuaiah hian border area-a kawngpui leh lei siam hnate pawh a tel.

Nilainia Itanagar-a high-level security cum developmental meeting-ah, Governor chuan ram leh mipuite venhimna atan, security force kaihhnawih project-te chu dah pawimawh a ṭul thu hi a sawi. Army officer-te pawh AP-a tourism sector lam tihchangtlun leh tihhmasawnna kawnga pui tur te, tourism project thawhnaah local entrepre­neur-te thawhpui ṭha turtein a chah bawk.