Tripura-ah BJP leh CPI-M worker-te an intibuai leh

Tripura state-a poli­tical party worker-te intihbuaina a thleng fo a, Nilaini khan Khowai district-ah rorellai, BJP leh eptu CPI-M worker-te intibuai lehin, mi 18 in hliam an tuar.

Buaina chhuakah hian BJP worker 12 leh CPI-M worker parukten hliam an tuar a ni. BJP worker pathum chu an dinhmun a ṭhat loh avangin Khowai district hospital aṭangin Agartala-a GB hospital-ah sawn an ni. CPI-M worker pakhat pawh a dinhmun a ṭha lo nia sawi a ni bawk.

Tripura CPI-M chuan a party punkhawmna buatsaihah BJP-ten buaina siamin an rawn bei hmasa niin an sawi. Party hruaitu Pabitra Kar chuan, "He thil hi BJP hian an hma aṭanga an lo ruahman lawk vek a ni," a ti.

Hetih lai hian BJP lam chuan CPI-M-te vanga buaina chhuakah an puh let ve thung. BJP hruaitu Subrata Majumdar chuan CPI-M mi leh sa pungkhawmte hian BJP worker, 'Ghar Ghar BJP' programme hmanga campaign-te chu an bei niin a sawi thung.