Imphal aṭangin Mandalay leh Bangkok international flight service tir tum

Manipur chief minister N Biren Singh chuan Imphal airport aṭangin UDAAN Scheme hnuaiah Mandalay leh Bangkok-ah international flight service tir tum a nih thu a sawi.

Chief Minister chuan Imphal International Airport chu hmarchhak biala airport lun lamah a pathumna anih thu sawiin, airport hi tihchangtlun a, terminal leh air cargo terminal thar siam tuma hma lak mek a ni, a ti.

Manipur chu ASEAN ramte tana luhkha pawimawh a nih thu sawiin, inkalpawhna ṭha zawk a awm chuan sector hrang hrang - tourism, logistics, service, healthcare, education leh IT lamah hmasawnna ṭha tak a thleng thei dawn tih a sawi.

Air service lam tihchangtlun tum a nih bakah, Moreh thlenga national highway siamṭhat hna thawh pawh zawh a ni thuai dawn tih a sawi. Rail network pawhin Manipur thleng tawhin, Imphal piah lamah rel kawng siam belh zel a, Moreh-Tamu inkara rel kawng siam dan tur pawh ngaihtuah a ni thu a sawi bawk.