Assam-in Rs vbc 500 sengin anganwadi centre 2,000 sa dawn

Assam cabinet chuan state chhung hmun hrang hrangah Anganwadi centre 2,000 sakna turin Rs vbc 500 a pawm.

Chief minister Himanta Biswa Sarma chuan cabinet thutlukna hi a twitter-ah tarlangin, childcare service tihchangtlunna turin angwandi centre-te hi rural area-ah sak an ni dawn a ni, a ti. Centre pakhat sakna atan hian Rs nuai 25 zel ruahmanin, centre 2,000 sakna tur atan Rs vbc 500 sen a ni dawn tih a sawi bawk.

New Delhi-a Assam cabinet special sitting chuan handloom sector tihlenna turin, Jorhat-a Titabar-ah College of Sericulture din a remti bawk a, hemi atan hian Rs vbc 22.41 ruahman a ni.

State cabinet hian nakkum, kum 2023 Holiday List pawh pawmin, gazetted holiday 38 leh restricted holiday 30 bakah half holiday pahnih an pawm.