Amit Shah leh ENPO hruaitute inhmu dawn

Union home minister Amit Shah chuan Nagaland aṭanga state hrang, Frontier Nagaland din phuttu, Eastern Nagaland Peoples Organisation (ENPO) hruaitute chuan thil phut chungchangah inbiakna neihpui turin a sawm a, December 3 hian New Delhi-ah meeting an nei ang.

ENPO hian Home Minister Office aṭangin meeting tura sawmna hi an dawng a, chief minister Neiphiu Rio leh a cabinet minister ṭhenkhat pawh an tel dawn nia sawi a ni.

ENPO hian Frontier Nagaland din an phutna chu ngaihtuahsak an nih loh chuan nakkum kumtir lama state assembly inthlan neih tur chu boycott an tum takah, Eastern Nagaland-in a huam district pali huam chhunga MLA 20 te pawh bang vek turin an phut bawk. Frontier Nagaland state dinna tura phutah hian Konyak, Phom, Chang, Khiamniungan, Yimchungrus leh Sangtam hnamte an cheng a ni.